جہلم(عبدالغفوربٹ)ڈی سی او جہلم ذوالفقاراحمد گھمن نے کہاہے کہ وقت آگیا ہے کہ ہم قائد اعظم کے فرمان کام ، کام اور صرف کام کی عملی صورت بن جائیں ، وقت کی پابندی کو اپنا شعار بنائیں اور ملک کے استحکام اور ترقی کیلئے اپنا بھر پور کردار ادا کریں۔ قائد اعظم کے دن کے موقع پر اپنے پیغام میں انہوں نے کہاکہ ہر پاکستانی کو خلوص نیت سے اپنی ذمہ داریاں نبھا نی چاہئیں اور یوم قائد اعظم کے موقع پر ہم اس عہد کی تجدید کریں ہم قائد کے فرامین کی عملی صورت بنیں گے اور ملک کے استحکام اور ترقی کیلئے کسی بھی قربانی سے دریغ نہیں کریں گے۔ڈی سی او جہلم ذوالفقاراحمد گھمن نے کہاکہ قائد اعظم نے اس ملک کے قیام کیلئے ہر قسم کی قربانی دی اور ان کے اس دنیا سے رخصت ہوتے ہوئے بھی آخری الفاظ پاکستان کے استحکام کی دعا ہی تھے۔ انہوں نے کہاکہ بانی پاکستان قائد اعظم قانون کے شعبہ سے وابستہ تھے او ر عملی طور پر قانون کی پابندی کرنے والے انسان تھے اور موجود ہ حالات میں ہم سب کو بھی قانون کا اخترام اور قانون پر عمل کرنا چاہئے۔
The post ہم قائد اعظم کے فرمان کام ، کام اور صرف کام کی عملی صورت بن جائیں،ڈی سی اوجہلم appeared first on جہلم جیو.