میری آپ بیتی لکھی گئی توبہت سے لوگوں کے رازفاش ہوجائیں گے، سلمان خان

ممبئی: بالی ووڈ میں اپنی اداکاری اور بے باک زبان سے مشہور سلمان خان کا کہنا ہے کہ ان کی زندگی میں گزرے واقعات کو کتابی شکل دی گئی تو بہت سے لوگوں کے راز فاش ہوجائیں گے۔

بھارتی میڈیا رپورٹس کے مطابق بالی ووڈ کے دبنگ سلمان خان نے بھارتی ٹینس کھلاڑی ثانیہ مرزا کی زندگی پر لکھی گئی کتاب کی رونمائی کی تقریب کے موقع پرکہا کہ میری زندگی پر کتاب نہیں لکھی جاسکتی کیوں کہ اگر میری زندگی پر کتاب لکھی گئی تو پرانے زخم تازہ ہوجائیں جب کہ بہت ساری سارے لوگوں کے راز فاش ہوجائیں۔ میں اپنی زندگی کی کہانی اپنے ساتھ قبر میں لے جاؤں گا ورنہ بہت سارے لوگوں کی قبریں کھل جائیں گی۔

اس موقع پر ثانیہ مرزا صورت حال کو بھانپ کر معاملے پر قابو پانے کی کوشش کرتے ہوئے کہا کہ سلمان خان اس طرح کی باتوں سے اجتناب برتنا چاہتے ہیں لیکن پھر بھی وہ رک نہیں پاتے اور ان کے منہ سے وہ باتیں نکل جاتی ہیں جو نہیں کی جانی چاہئیں۔

واضح رہے کہ سلمان خان کی نئی فلم سلطان سال کی سب سے کامیاب فلم قرار پائی ہے، اداکار ہدایت کار کبیرخان کی فلم ” ٹیوب لائٹ” کی شوٹنگ میں مصروف ہونے والے ہیں جب کہ فلم آئندہ سال عید پر ریلیزہوگی۔

The post میری آپ بیتی لکھی گئی توبہت سے لوگوں کے رازفاش ہوجائیں گے، سلمان خان appeared first on جہلم جیو.