پیرس(نمائندہ جہلم جیو)پیرس ادبی فورم کے زیر اہتمام دوسرے عالمی مشاعرے کا انعقاد ،پیرس ادبی فورم کے زیر اہتمام دوسرا عالمی مشاعرہ منعقد کیا جارہا ہے پیرس ادبی فورم ایک ادبی تنظیم ہے جس کا مقصد اردو زبان کی ترویج اور دیار غیر میں اپنے تہذیب و تمدن اور ثقافت کو فروغ دینا ہے اس ضمن میں پیرس ادبی فورم کے زیر اہتمام منعقد ادبی نشستیں ،مشاعرے کتابوں کی رونمائی کی تقریبات کا انعقاد ہو چکا ہے ادب کے اس دائرہ کو مزید وسیع کرتے ہوئے اپنے تمام تر محدود وسائل کے باوجود پیرس ادبی فورم نے عالمی مشاعرہ منعقد کرنے کا سلسلہ شروع کیا ہے جس سے ناصرف دنیا بھر کے شعراء کا کلام یہ نفس نفیس سننے کا موقع ملتا ہے بلکہ دیار غیر میں ادبی محافل میں شرکت کرنے سے لکھنے کی تحریک بھی پیدا ہوتی ہے پیرس ادبی فورم ابھی تک کئی شعراء کی حوصلہ افزائی کرتے ہوئے انکی کتابوں کی رونمائی کی تقریبات کرنے کا اعزاز بھی حاصل کر چکی ہے اور مستقبل میں تنظیم ناصرف ضرورت مند شعراء کی کتابوں کی اشاعت کرانے کا ارادہ رکھتی ہے بلکہ پاکستان میں تعلیم کیلئے بھی ایک شاندار منصوبے پر کام کرے گی بہت کم وقت میں پیرس ادبی فورم نے دنیا بھر کے ادبی حلقوں میں اپنی پہچان بتائی ہے اور ہمیں یہ اعزاز بھی حاصل ہو گیا ہے ہم پیرس میں اردو کی ایک نئی بستی بنانے میں کامیاب ہو گئے ہیں اور آج ہم بھی شان سے کہہ سکتے ہیں سارے جہاں میں دھوم ہماری زباں کی ہے پیرس ادبی فورم کے پہلے کامیاب عالمی مشاعرہ کے بعد اب دوسرا عالمی مشاعرہ منعقد ہونے جارہا ہے جس میں نامور شاعر رضا شاہ اٹلی غزل انصاری انگلینڈ ،نعیم حیدر پرمنگھم،راحت زاہد اسکاٹ لینڈ،عاطف توقیر جرمنی سے شرکت کریں گے۔پیرس ادبی فورم کی ٹیم صدر سمن شاہ،جنرل سیکرٹری ایاز محمود ایاز،نائب صدر عاکف علی،آرگنائزر وقار ہاشمی بخشی اور فاؤنڈر ممبر آصف جاوید آصی اپنی تمام تر کوششوں اور محنت سے اردو ادب کیلئے جس طرح کام کررہے ہیں وہ لائق تحسین ہے۔
The post پیرس ادبی فورم دوسرے عالمی مشاعرے کی تیاریاں شروع appeared first on جہلم جیو.