جہلم(جہلم جیو)’’جس سہانی گھڑی چمکا طیبہ کا چاند۔اس دل افروز ساعت پہ لاکھوں سلام‘‘،مورخہ 28دسمبر بروز سوموار بعداز نماز عشاء جامع مسجد گلزار مدینہ (مسجد ملاحاں)محلہ ملاحاں ریور روڈ جشن عید میلاد النبیﷺ کے سلسلہ میں عظیم الشان اجتماع میلاد زیر سرپرستی مولانا قاری اشتیاق احمد اور زیر نگرانی دربار عالیہ بھنگالی شریف کے غلامان خاص حکیم امتیاز الحق قریشی اور اعجاز الحق قریشی پورے مذہبی جوش و خروش اور ولولے کے ساتھ منعقد ہو رہا ہے جس کی صدارت چیئرمین تحریک فکر اسلام پاکستان حضرت صاحبزادہ پیر سید مخدوم عباس محمد شاہ ہمدانی آف بھنگالی شریف کریں گے۔جبکہ خصوصی خطاب علامہ قیصر یعقوب صدر مدرس دارالعلوم بھنگالی شریف کا ہوگا ۔پروگرام میں تلاوت قرآن مجید قاری تنزیل الرحمن آف بھنگالی شریف کریں گے جبکہ نقابت کے فرائض محمد فاروق قادری آف گوجر خان انجام دیں گے،ع صلائے عام ہے یاران نکتہ داں کیلئے۔
The post ’’جس سہانی گھڑی چمکا طیبہ کا چاند۔اس دل افروز ساعت پہ لاکھوں سلام‘‘ appeared first on جہلم جیو.