جہلم(نمائندہ جہلم جیو)جہلم کے سرکاری سکول کی ننھی طالبہ تنزیلہ عارف نے انگریزی مضمون نویسی کے مقابلے میں بڑے شہروں کو پیچھے چھوڑ کر میدان ما ر لیا، تنزیلہ عارف کا تعلق گورنمنٹ گرلزہائی سکول سروبا، جہلم سے ہے آٹھویں جماعت کی ہونہار طالبہ تنزیلہ نے انگریزی مضمون نویسی کے صوبائی سطع پر منعقد ہونے والے مقابلے میں پنجاب بھر کے سرکاری و نجی سکولوں میں سے دوسری پوزیشن حاصل کر کے ثابت کر دیکھایا کہ تعلیم کا معیا ر سرکاری سکولوں میں پہلے کی نسبت بہت بہتر ہوچکا ہے۔ میڈیا سے بات کرتے ہوئے بچی نے بتایا کے محنت سے قسمت بدل سکتی ہے اور میں اپنی محنت سے اپنی اور دوسروں کی زندگی میں آسانیا ں لانے کی بھرپور کوشش کروں گی۔ ای ڈی او ایجوکیشن جہلم انور فاروق نے تنزیلہ عارف کی کارکردگی کو سراہا اور بتایا کہ ایجوکیٹرز کی میرٹ پر ہونے والی نئی بھرتی یونیورسٹیوں سے اعلی تعلم یافتہ ٹیچرز کی وجہ سے سرکاری سکولوں میں تعلیم و تربیت کے معیار میں بہتری آ رہی ہے۔ اس موقع پر ڈی سی او جہلم اقبال حسین خان نے کہا کہ محکمہ صحت اور تعلیم کے میدان میں ضلع جہلم کا شمار پنجاب بھر کے ٹاپ فائیو ڈسٹرکٹس میں ہوتا ہے ،ان میں بہتری کی گنجائش اب بھی موجود ہے جس کے لئے ضلعی انتظامیہ تمام تر وسائل بروئے کار لا رہی ہے ۔
The post جہلم کے سرکاری سکول کی ننھی طالبہ تنزیلہ عارف نے انگریزی مضمون نویسی کے مقابلے میں میدان ما ر لیا appeared first on JhelumGeo.com.